Síðasti bókmenntatíminn á þessu vori er 18. maí.

Næst  komum við saman 18. maí, en það er síðasti mánudagurinn sem við mætum í Bókmenntir á þessu vori.

Pútthópurinn

Greinargerð um úrslit vormótaraðarinnar ásamt mynd af þátttakendum er komin á púttsíðuna.

Við erum sem sagt hætt í Hamarshöllinni þetta vorið, en stefnum að því að fara austur að Strönd og pútta á útivellinum þar einhvern tíma í sumar, sennilega í júlí.

Þá er rétt að hvetja félagana til að setja stefnu á landsmót FÁÍA í pútti, sem verður í Mosfellsbæ 21. ágúst.

Auk þess verður vafalaust keppt í pútti á landsmóti 50+, sem í ár verður á Húsavík dagana 20. – 22. júní.

Unaðsdagar í Stykkishólmi

Félag eldriborgara í Hveragerði efnir til hópferðar á Unaðsdaga í Stykkishólmi dagana 4. – 8. maí næstkomandi.

Lagt verður af stað frá Þorlákssetri kl. 13.oo mánudaginn 4. maí. Áætlaður komutími til baka er síðdegis föstudaginn 8. maí.

Verð fyrir dvölina í Stykkishólmi er kr. 39.900,- á mann, sem greitt verður á hótelinu, miðað við tvo í herbergi. Að auki þarf að greiða kr. 8.000,- á mann fyrir fargjald o.þ.h., sem innheimt verður í rútunni.

Enn eru nokkur sæti laus. Hvetjum við eldri borgara til að grípa þetta tækifæri til að njóta þægilegra daga eftir erfiðan vetur. Skrá þarf þátttöku fyrir 29. Apríl.

Upplýsingar og pantanir eru hjá Hrafnhildi í s. 557-1081/849-3312, eða Sigurjóni í s. 483-4875/899-9875.