Mánudaginn 21.maí kl. 10.00 mætum við eins og venjulega í Þorlákssetri og lesum upp sjálfvalið efni. Þeir sem eiga að lesa eru: Gústaf, Hólmfríður og Jóhann.

Kl. 11.00 förum við á Kaffi Rós og fáum okkur einhverjar góðgerðir sem þar eru á boðstólum. Það sem fæst er hægt að sjá á heimasíðu þeirra www.caferose.is. Eins verður hægt að fá súpu, sem nú verður framborin þar í fyrsta sinn á þessu ári. Þetta verður síðasti þátturinn að þessu sinni, en byrjar svo vonandi aftur að hausti.

Stjórnin

Rabbfundir á fimmtudagsmorgnum kl. 10 í Þorlákssetri.

Dagskrá í maí 2012:

3. maí: Ragnheiður Eiríksdóttir, Kripalu-jógakennari heldur kynningu á jógaheimspekinni og þeim lífsreglum, sem fylgt hafa þessum ævaforna lífsstíl.

10. maí: Guðbrandur Valdimarsson og Fanney Karlsdóttir koma með eitthvað skemmtilegt.
Vorfagnaður félagsins verður haldinn á Hótel Örk mánud. 14. maí kl. 15.00 (ath. breyttan tíma). Skemmtidagskrá og kaffihlaðborð kr. 1100 pr. mann.

Sumarferð félagsins verður farin á norðausturhorn landsins dagana 27.júní-30.júlí. Uppl. gefa Örn Guðmundsson, s. 898 0331 og Egill Gústafsson, s. 892 7790.

Gleðilegt sumar og takk fyrir skemmtilegt vetrarstarf.

Skemmtinefndin.

Aðalfundur FEBH 2012 var haldinn fimmtudaginn 16. febrúar í Þorlákssetri, og sóttu hann rúmlega 60 manns. Af skýrslum formanns og gjaldkera mátti ráða að félagsstarfið hefur verið öflugt og afkoman viðunandi.
Nokkrar breytingar voru gerðar á stjórn félagsins á fundinum. Hrafnhildur S Björnsdóttir, sem hefur gegnt formennsku í 2 ár gaf ekki kost á sér til endurkjörs. Í stað hennar var Pálína Snorradóttir kjörin formaður. Með henni eru í stjórn Gústaf Óskarsson og Egill Gústafsson, sem eiga eftir ár af kjörtímabilinu, Jóhann Gunnarsson sem var endurkjörinn til tveggja ára og Anna Jórunn Stefánsdóttir, ný í stjórn, kjörin til tveggja ára. Varamenn eru Jóna María Eiríksdóttir og Sæunn Freydís Grímsdóttir. Skoðunarmenn reikninga voru kjörin Helga Baldursdóttir og Svanur Jóhannesson til eins árs.
Hrafnhildi Björnsdóttur og Kristbjörgu Markúsdóttur sem hvorug gaf kost á sér til endurkjörs var þakkað með blómum fyrir gott starf í þágu félagsins.
Allmargir tóku til máls um félagsstarfið undir liðnum Önnur mál, og er fundi hafði verið slitið var umræðum haldið áfram yfir kaffi og kökum.
Á stjórnarfundi miðvikudaginn 1. mars skipti stjórnin með sér verkum þannig að Anna Jórunn Stefánsdóttir verður varaformaður, Egill Gústafsson gjaldkeri og Jóhann Gunnarsson ritari.

Eftirfarandi hefur borist félaginu:

Komið öll sæl og blessuð. Þá er loks komið að því, að við bjóðum eldri borgurum upp á þann möguleika að koma og kaupa sér mat hjá okkur í Ási.

Til að byrja með verður þetta aðeins í  Ásbúð Bröttuhlíð 20.

Verð pr. máltíð er 800 kr.

Ef fólk hefur hug á að koma í mat þarf að láta vita fyrir kl. 1030 í síma 4802070,

Ef fólk verður fast í mat þarf ekki að láta vita. Hægt er að skoða matseðilinn á heimasíðunni okkar www.dvalaras.is.

Heimsending bóka til eldri borgara á fimmtudögum
og annarra sem ekki eiga heimangengt vegna fötlunar eða veikinda.
Tekið við pöntunum í síma 483-4531.

BÓKASAFNIÐ ER OPIÐ
Kl. 13-19 mánudaga – föstudaga og kl. 11 – 14 á laugardögum.

Dagskrá á heimasíðu bókasafnsins (smellið í tengilinn)

Hlíf Arndal forstöðumaður