Fimmtudagsmorgunn 10. des.

Fimmtudaginn 10. desember kl. 11:00 verður farið í Listasafnið og skoðuð sýningin Mörk með leiðsögn Ingu Jónsdóttur forstöðumann safnsins.
Hittumst í safninu tímanlega. Kveðja stjórnin

Jólafundur FEBH

Jólafundur félagsins verður haldinn á Hótel Örk mánudaginn 14. des. kl. 14.00.

Skemmtidagskrá.

Kaffihlaðborð kr. 1800 fyrir manninn, sem greiðist við innganginn.

Skráningarlisti er í Þorlákssetri.

Afgreiðsla bæjarráðs á hugmyndum FEBH og Rauða krossins um aðkomu að “Þjóðarsátt um læsi”.

Hveragerði 01.10.2015

Á fundi bæjarráðs Hveragerðirbæjar, sem haldinn var í dag, var eftirfarandi tekið til umfjöllunar.

Í minnisblaðinu er gerð grein fyrir hugmyndum sem Félag eldri borgara í Hveragerði og Rauða kross deild Hveragerðis hafa kynnt um mögulega aðkomu meðlima félaganna að aðstoð við börn með lestrarörðuleika með áherslu á börn af erlendum uppruna í Grunnskóla Hveragerðis. Telja forsvarsmenn félaganna að með þessu móti geti aðilar í félögunum lagt sitt af mörkum við innleiðingu Þjóðarsáttmála um læsi sem undirritaður var nýlega.

Eftirfarandi var fært til bókar.

„Bæjarráð fagnar frumkvæði félaganna og telur að verkefni sem þetta geti orðið börnum bæjarins mikil lyftistöng. Hugmyndin hefur þegar verið kynnt í Fræðslunefnd sem tók jákvætt í erindið.

„Bæjarráð samþykkir að fela skólastjórnendum að vinna að skipulagi verkefnisins í samvinnu við Félag eldri borgara og Hveragerðisdeild Rauða krossins.“

Þetta tilkynnist hér með.                                                                                                                   Virðingafyllst.   f.h. Hveragerðisbæjar.                                                                                                     Hanna Lovísa Olsen, þjónustufulltrúi

Brunastigi – fyrsta skóflustunga

Framkvæmdir hófust í 44. viku 2015 við brunastiga úr salnum okkar að Breiðumörk 25b. Gönguhópurinn var að sjálfsögðu viðstaddur til að taka fyrstu skóflustunguna.
Skóflustunga_1

Fimmtudagsmorgnar í nóvember.

DAGSKRÁ FIMMTUDAGSMORGNA Í NÓVEMBER

Í ÞORLÁKSSETRI KL: 10 – 12.

5.nóv:             Hjörtur Þórarinsson kemur og kynnir FÁÍA.

12.nóv:           Sigurður Blöndal  

19.nóv:             Haukur Ingibergsson form.LEB

26.nóv:             Karlar segja frá: Unnar Stefánsson

Til kórfélaga í Hverafuglum

 Nú er búið að breyta og taka til í sönglaga-gagnagrunninum.

Þeir sem ekki hafa notað raddskrárnar fyrr fara inn á forsíðu heimasíðunnar <hvera.net> og fara með bendilinn yfir Hópar & nefndir og þá kemur nafnið Hverafuglar í ljós. Þá fer maður með bendilinn yfir Hverafuglar og ýtir á Sönglög Hverafugla til hægri. Þá erum við komin inn í gagnagrunninn og getum valið það lag sem við viljum.

Breytingin er í því fólgin að við skrifum inn 3-5 bókstafi af nafni lags sem við ætlum að æfa og svo er ýtt á leitar-hnappinn og koma þá allar raddskárnar fram í því lagi

Nýjustu lögin eru öll komin inn og jólalögin sem við höfum æft undanfarin ár.

Með kveðju – Svanur Jóhannesson

Stólaleikfimi í Þorlákssetri

Stólaleikfimi verður í Þorlákssetri einu sinni í viku 40 mín í senn.

Byrjar mánudaginn 1. október kl. 16:15.

Leiðbeinandi: Sólveig Andrésdóttir sjúkraþjálfari.

Stefna félagsins er að þátttakendur greiða helming launa leiðbeinanda. Í þessu tilfelli er ½ gjald kr. 250 pr. skipti miðað við uppsett verð, sem er kr. 500 pr. skipti.

Skráning þátttakenda er í Þorlákssetri.

Fréttir frá stjórn FEBH

Aðstoð við lestur

Félag eldri borgara í Hveragerði og Rauða kross deild Hveragerðis hafa tekið höndum saman um að finna sjálfboðaliða, fyrir verkefnið að hjálpa börnum af erlendum uppruna með lestur. Sem verður vonandi að veruleika. Þetta kemur vel að verkefninu Þjóðarsátt um læsi. Formaður FEBH Kristín Dagbjartsdóttir og formaður Rauða kross deildar Hveragerðis Helgi Kristmundsson hafa fundað með Bæjarstjóra Hveragerðis Aldísi Hafsteinsdóttur og kynnt áhuga okkar á þessu verkefni, og afhentum upplýsingar og bréf. Fengum mjög jákvæðar móttökur og verður málið sent til skólanefndar sem fundar í viku 40. Bæjarstjóri lýsti áhuga sínum á að mæta þegar Haraldur Finnsson kemur í Þorlákssetur og taka skólastjórann með sér.                                                                        

Verkefnið verður skipulagt og stýrt af stjórnendum Grunnskólans og bæjaryfirvöldum í Hveragerði. Sjálfboðaliðar koma frá FEBH og Rauða krossinum. Hvernig staðið er að verkefninu Heilahristingur í Grafarvogi er til fyrirmyndar og eftirbreytni.

Kynning fimmtudagsmorguninn 22. október kl. 10-12:00. Þá kemur Haraldur Finnsson fyrrv. skólastjóri og kynnir hvernig verkefnið Heilahristingur varð til og hvernig það er framkvæmt af eldri borgurum Korpúlfar í Grafarvogi og sjálfboðaliðum Rauða krossins, að leiðbeina grunnskólanemendum af erlendum uppruna með lestur.

F.h. stjórnar Kristín Dagbjartsdóttir form.

Munið heimsókn í Listasafnið 24. sept.

Við förum í Listasafn Árnesinga kl. 11 (ath. breyttan tíma). Inga Jónsdóttir safnstjóri tekur á móti okkur og leiðir okkur um sýninguna Gullkistan.

Fimmtudagsmorgnar í október

                                                                                                                                                                  Dagskrá fimmtudagsmorgna í október kl. 10-12 í Þorlákssetri

  1. 1. október. Ellisif Björnsdóttir, heyrnarfræðingur, kynnir heyrnatæki og allar nýjungar tengdar þeim og svarar spurningum.                                (Ath. flensusprauta sama dag kl. 10- 12)
  2. 8. október. Konur segja frá: Elísabet Jökulsdóttir rithöfundur, les og segir frá eins og henni er einni lagið.
  3. 15. október. Gréta Berg, listakona deilir með okkur sínum áhugamálum sem spennandi verður að hlusta á.
  4. 22. október. Haraldur Finnsson, fyrrv. skólastjóri, kynnir fyrir okkur verkefnið, Heilahristingur, þar sem sjálfboðaliðar, eldri borgarar og Rauða kross félagar, aðstoða grunnskólanemendur sem eru af erlendum uppruna með lestur.                Mjög áhugavert.
  5. 29. október. Karlar segja frá: Að þessu sinni Bjarni Harðarson, rithöfundur og bóksali.