Kæru félagar
Í tilefni landsmóts UMFÍ verður FEBH með opið hús í Þorlákssetri föstudagskvöldið 23. júní kl. 21.00-23.00 og laugardaginn 24. júní kl. 14.00-16.00. Sýning verður á myntsafni Helga Ívarssonar. Einnig verður tímaritið Húsfreyjan frá Kvenfélagasambandi Íslands kynnt og hægt að gerast áskrifandi á staðnum. Kaffi á könnunni. Gaman væri að sá sem flesta félaga og gesti.
Kær kveðja,
Jónína Haraldsd. ritari stjórnar FEBH
“Góðan dag kæru félagar
Fimmtudaginn 8. júní n.k. ætla Korpúlfar félag eldri borgara í Grafarvogi Reykjavík að heimsækja okkur í Þorlákssetur kl. 15.00.
Mikið þætti okkur vænt um ef einhverjir úr félaginu sæju sér fært að koma og heilsa upp á þau þar sem þau tóku svo vel á móti okkur síðastliðið haust þegar við fórum til þeirra. Kaffi á könnunni.”
Kær kveðja,
Jónína Harldsd. ritari stórnar FEBH
Landsmót UMFÍ 50+
23.-25. júní í Hveragerði
Sjálfboðaliðar
UMFÍ óskar eftir sjálfboðaliðum frá FEBH til að aðstoða, t.d. við móttöku og verðlaunaafhendingu o.fl. á landsmótinu.
Áhugasamir skrifi sig á lista með nafni og símanúmeri, sem liggur frammi í Þorlákssetri. Einnig má hafa samband við Gísla Garðarsson formann FEBH í síma 862 7501 eða
Jónínu Haraldsdóttur ritara í síma 866 4398
Miðvikudagar í apríl 2017 kl. 13:00 í Þorlákssetri.
Miðvikud. 5. apríl: Gestur okkar er: Ingunn Gunnarsdóttir frá Tryggingastofnun, Selfossi. Kynnir breytingar á lögum um almannatryggingar sem tóku gildi 1. jan 2017 og snúa að eldri borgurum.
Miðvikud. 12. apríl: Gestur okkar er: Stefanía Inga Sigurjónsdóttir, hjúkrunarfr, hennar fyrirlestur nefnist: Öruggari efri ár, byltu-og slysavarnir. Fjallað er um slysavarnir og forvarnir gegn slysum með eldra fólk í huga, sérstök áhersla lögð á byltuvarnir. Farið er skipulega í gegnum heimilið og nánasta umhverfi.
Miðvikud, 26. apríl: Gestur okkar er: Ingunn Stefánsdóttir, geðhjúkrunarfræðingur, hennar fyrirlestur nefnist: Gott minni er gulli betra. Fjallað er um skilgreiningu á minni, minnisstöðvar, mismunandi minni og mikilvægi minnisþjálfunar. Upphaf skipulagðar minnisþjálfunar og ekki síst nokkur góð ráð til að skerpa minnið
Miðvikudagur 29. mars
í Þorlákssetri
Nýtt !! Súpa og brauð kl. 12.30 kr. 500
Kl. 13:00 gestur dagsins Guðmundur Baldursson, bæjartæknifr, kynnir skipulagsbreytingar í Hveragerðisbæ.
Kaffi , spurningar og spjall.
Henný Eldey Vilhjálmsdóttir (Elly Vilhjálms söngkona) fæddist í Merkinesi í Höfnum 28. desember 1935. Elly var ein dáðasta dægurlagasöngkona Íslands og minningin um þessa ástsælu söngkonu lifir áfram.
Leikhópurinn Vesturport í samstarfi við Borgarleikhúsið setur á svið splunkunýtt leikrit með söngvum um þessa dáðu söngkonu undir stjórn Gísla Arnar Garðarssonar. Úrvalslið leikara og tónlistarmanna tekur þátt í sýningunni.
FEBH félagar ætla að fjölmenna 14. maí. n.k kl. 20:00 í Borgarleikhúsið og sjá „Elly“. Miðaverð er kr 5800 og rútuferð kr 2200. Rútan fer frá Þorlákssetri kl 18:30. Hvorutveggja greiðist í Arionbanka reikn. nr. 52 merkt „Elly“.
Miðana þarf að greiða fyrir 10 apríl n.k. (leikhúsið geymir miðana ekki lengur).
Panta má miða hjá Leikhúsnefnd Kristínu Egilsdóttur sími 896 3436.
Ekki draga það að skrá sig. Þetta er dásamleg sýning. Þátttökulisti í Þorlákssetri.
Fréttir frá stjórn
Nýlega var stofnuð leikhúsnefnd sem mun skipuleggja leikhúsferðir í samráði við stjórn. Nefndin er skipuð eftirfarandi: Kristín Egilsdóttir sími 896 3436 Sigurður Valur Magnússon og Steinunn Þórarinsdóttir. Þetta er dugmikið fólk og nefndin hefur þegar tekið til starfa og og fyrsta leikhúsferðin verður farin í Árnes að sjá „ Láttu ekki deigan síga Guðmundur“ eftir Eddu Björgvinsdóttur og Hlín Agnarsdóttur, fimmtudaginn 23. mars kl 20:00. Rútuferð frá Þorlákssetri kl 18:30 verð kr 2000 greiðist í Arion banka, reikn 52 merkt rúta. Miðaverð kr 2000 greiðist við innganginn. Vinsamlega skráið ykkur fyrir þriðjud. 21. mars
Einnig hefur nefndin ákveðið leikhúsferð 14. maí kl 20:00 í Borgarleikhúsið að sjá „Ellý“ . Leikhópurinn Vesturport í samstarfi við Borgarleikhúsið setur á svið splunkunýtt leikrit með söngvum um þessa dáðu söngkonu (Ellý Vilhjálms) undir stjórn Gísla Arnar Garðarssonar. Úrvalslið leikara og tónlistarmanna tekur þátt í sýningunni.
Vorgleði FEBH 2017 verður haldin að Hótel Örk miðvikud.19. apríl kl 14:00. Skemmtiatriði. Kaffihlaðborð að hætti Hótel Arkar kr. 1800. Gestir okkar eru Félag eldri borgara á Selfossi. Það hefur skapast sú hefð að félögin hafa vorgleðina til skiptist á milli ára. FEBH mætti á Selfoss 2016. Með bestu kveðju stjórnin.
Þátttökulistar liggja frammi í Þorlákssetri
Fræðandi og skemmtilegir gestir sem koma í Þorlákssetur á miðvikudögum í mars 2017 kl. 13:00
Miðvikudaginn 22. febrúar 2017 kl:13.oo .
Gestur fundarins verður Guðmundur Óskarsson rithöfundur.
Guðmundur er upprennandi höfundur sem hefur fengið viðurkenningar fyrir verk sín meðal annars Íslensku bómenntaverðlaunin fyrir bók sína “Bankster”.
Félagsgjald fyrir 2017 er kr. 3.500. Gjalddagi var 1. jan. Eftir næstu mánaðamót (febr./mars) verða greiðsluseðlar með tilheyrandi kostnaði sendir þeim, sem ekki hafa greitt árgjaldið.
Aðrar greiðslur á vorönn:
Vatnsleikfimi kr. 3.500
Hverafuglar kr. 5000
Útskurður kr. 6000
Línudans kr. 2.500
Gjalddagi er 1. mars 2017